[露營生活] 白芒半日營 (2016-12-25)

搭機場巴士到東涌，再轉搭的士到白芒，去到白芒村入口，的士唔會再入，我地就係度落車等舅父出黎車我地入去，等待時影左幾張相，呢度環境都幾好，不過出面已經有大型工程，遲D都唔知會變成點，其實好多人都會係呢度行去梅窩。

大家都係度食下零食，玩樂一番。

到步果陣舅父已經札好營，去到就可以玩同食，因為舅父有朋友係呢度原住民，而間祖屋就係附近，所以去廁所同沖涼都十分方便，隨時仲可以入去補給。

舅父同細女玩得好開心。

舅父呢次帶左燈飾。

呢度都有一片芒草地，不過之前已經被原居民燒左，遲下又會再長出來。

原本燒柴用黎取暖，後尾用黎烘熱D 野食。

幫大女同姐姐影張相。

到夜晚就真真正正燒野食。

附近係咸淡水交界，仲有魚蝦蟹捉。

入夜後如果無燈火，就接近漆黑一片，而我地都係時候走人返屋企。