[露營資訊] 香港露營地點

香港露營地點資料一覽表 v3.0

(深涌已經禁止露營，十分可惜)

營地類型
小型: 營位數目少於20
中型: 營位數目界乎20至50
大型: 營位數目超過50

不會無間斷更新，如有遺漏或錯誤，一切以政府官方網頁/現場環境為準。

香港露營地點地圖一覽 (Google Map)

資料來源:
http://www.afcd.gov.hk/
http://hingsir.mingroy.com/




大嶼山露營地點
籮箕灣營地, 石欖洲營地, 昂坪營地, 貝澳營地, 南山營地,
十塱營地, 白富田營地, 萬丈布營地, 狗嶺涌營地, 牙鷹角營地,
大浪灣營地, 煎魚灣營地, 分流西灣, 石壁營地

西貢露營地點
北潭凹營地, 水浪窩營地, 嶂上營地, 西灣營地, 鹹田灣營地,
大灣, 東灣, 深涌, 荔枝莊, 赤徑
昂平營地, 白臘灣, 白臘營地, 浪茄灣營地, 猴塘溪營地,
大灘營地, 黃石營地, 灣仔西營地, 灣仔南營地, 曝罟灣營地,
元五墳(南風灣)營地, 長咀, 大網仔營地, 怡庭營地

新界東北露營地點
流水響營地, 鶴藪營地, 三椏涌營地, 涌背營地, 降下坳營地

新界中及西露營地點
荃錦營地, 扶輪公園營地, 鉛礦坳營地, 河背營地, 田夫仔營地,
蝴蝶灣公園露營區

離島區露營地點
東平洲營地, 塔門, 東龍洲營地

[露營生活] 海下至灣仔南探營 (2017-04-04)

一大清早就起身準備去灣仔南探下舅父佢地，今日即日來會唔洗帶咁多野，我就帶左大機去影返夠本，天氣好好唔凍又唔熱，大約九點半出門口，一行五人飛的去海下，因為要由海下行去灣仔南，雖然知道路程唔算長，但帶住兩個小朋友真係唔知要行幾耐。

好彩等左一陣就有新界的士，直到海下都只係10點15分，我們預計行一小時左右，12點前應該去到灣仔南搵舅父佢地。

係海下沿住海下自然教育徑緊接住大灘郊遊徑，行到一個位落斜後，見到「西貢郊野公園 - 灣仔擴建部份」的牌繼續直行不遠就見到灣仔西營地入口，亦係灣仔自然教育徑的開始，按指示牌向灣仔南方向行就好快到灣仔南營地。

海下自然教育徑的入口就係好景士多。

有野食又有野玩。

海下灣個沙灘唔算大，但好靚好清。不過係海下灣進行水上活動有特定守則要遵守。

整段路有陽光有樹蔭有海景有溪澗。

行遠左再影一張，受到保護的海灣係唔同D。

影近岸就睇到佢的清澈程度。

行到一段路程就有指示牌，但呢個指示牌無寫行程需要時間，即係我地唔係行左好遠。

老婆揹住細女行，都幾係野~

海下灣海洋生物中心，但係關左門。

算係外形奇特的建築。

輪流抱下細女，行下抖下，影相最啱不過~

大女的行山造型。

見到呢個牌，即係到左灣仔，行多一陣就到灣仔西營地。

呢段路平坦又寬闊，要自己落地行喇。

轉過頭又要人抱返。

到左灣仔西營地入口，熟識的指示牌。

灣仔西營地入口，望落裏面唔多人喎~

今日真係無乜人，因為尋日係工作日，今日只係單一日的公眾假期。

灣仔西至灣仔南的路段，拍照留念。

灣仔西至灣仔南的路段，拍照留念。

就到灣仔南營地喇。

灣仔南呢邊的指示牌。

呢邊都係無乜人，真難得，零靜的灣仔南。

搵到舅父個營，佢地玩緊啤牌。

佢地呢次天幕放係石枱上。

灣仔南的風光。

一邊遮太陽一邊食野。

咁空曠的灣仔南，大把地方俾佢地走同玩。

家姐玩得有板有眼。

今次營同天幕的擺位。

玩得攰係營到休息。

呢度個景一流，係衰在隔涉小小同埋有牛糞。

再行入D 的另一個景。

秘景的全景圖，地方算大，不過勁多牛屎，除左無水無廁所之外，都不失為一個好地方。

對面就係高流灣，再遠D 的山峰應該係蚺蛇尖。

又搵到朋友仔一齊玩，仲坐人地張墊。

灣仔南的亭好大，有乜風吹早動都可以入去避難。

好太堆頭，似乎係組織或團體有野搞。

已經放左好多營係地上霸位。

天氣好，灣仔南的景色特別靚，海水仲好清澈。

遠離城市的地方，先會有咁乾淨的環境。

如果係夏天，我應該落左去游水。

灣仔南海邊望返去黃石同赤徑。

變左型的灣仔南全景，有團體黎左放營霸地方，應該係迎接大陸團。

坐大飛返回黃石馬頭，老婆同兩個小朋友跟舅父車，我同阿媽去坐巴士去西貢再轉巴士返馬鞍山。

[露營生活] 早著先機@灣仔南 (2017-03-11 至 2017-03-12)

第一日早上

呢次舅母星期六請假，就啱大家星期六日放假去玩兩日一夜，呢次老婆同細女都有去，因為兩日一夜時間好快過，所以都放心D，今次想搵個好位，所以好早就飛的去黃石碼頭，舅父就去車埋爸爸，黃石碼頭集合好就坐大飛入去，唔使20分鐘就到，早起嘅鳥兒有蟲吃，去到真係有好多位，因為我地帶左燒烤爐，所以放棄左出少少的又有燒烤爐又望到海的位，呢次揀左村長位，係最角落，希望夜晚訓覺可以靜D。

首先都係起好個天幕先，我地共有兩個天幕，不過呢次就帶多四支天幕柱，所以行出行入會好方便，唔使彎低身，剛好仲有樹係隔離，其中一邊就綁係樹度，比起用天幕柱仲實淨，不過我都加返支天幕柱落去，望埋去會完整D。

起完天幕起埋營，其中一個唔防水的放入天幕下，舅父就係最入最角落起營，夜晚訓覺唔怕俾人嘈到，我地呢次人多，共有三個營，搞掂晒舅父就開始放風箏，我先有時間影下相。

兩隻野又要搶住玩風箏。

舅父買左的新營第一次用，放左係最角落，應該有個好好安睡的晚上。

起初個Safari R4 營係向山入面，但原來向住水箱出水，都有D水聲，又轉返向海，Tribal 2 營係向天幕，之後轉返向山，兩個營對望都唔錯，係原先驚食風，因為天氣都有D 凍。

隔離又係一家大細，遲過我地到步，霸左個燒烤爐位，仲可以望海。

GoPro Hero 4 所拍，由天幕影出去。

偷影老婆。

無陽光，海水都沉寂一片。

靠近海邊電話收得好D。

爸爸帶黎的太陽能燈飾。

Safari R4 轉左門口向海同Tribal 2 營對望，就返營底墊，要向左移，營底墊買大D，就可以入營前先除鞋，再踏上營底墊先入營，減少把沙石草泥帶入營的機會。

外邊開始多人，沿海的位都應該所剩無幾。

下午無乜野做，去營地另一邊參觀，又行去灣仔西輕鬆下，因為細女未去過，帶佢去跑下。

呢邊比較淺水。

同爸爸自拍。

地方很大的灣仔西營地。

有好多個Safari R4 營。

灣仔西行到最入有個牌。

其實呢個位都近海岸，爆林應該可以去到海邊，不過我唔會咁做。

爺爺同孫女，好大地方，細妹可以跑下喇。

一場黎到，同爸爸影張相喇。

小朋友有得跑已經開心。

成日想囉我個GoPro Hero4。

有班後山仔個個手渣個鉗，唔知去邊度幫手執走D垃圾。

回程又要人抱。

叫阿媽同我影張相，不過細女顧住玩。

行回灣仔南途中有對情侶執樹枝，應該用黎燒。

到舅婆抱抱。

話咁快返到灣仔南，細女跑住返去，爺爺加緊腳步追趕。

普通日子的星期六日，無逼爆到灣仔南。

下午四點半，陸續有人登岸札營。

細女跑住返去。

大女同媽咪無行去灣仔西，唔知留係睇片定打機。

呢個視角應該係大女囉左黎影。

兩姊妹識左個朋友仔。

一齊聽故事書。

黃昏六點幾，開始燒野食，醫下個肚喇。

帶多左的繩，可以作浪衫之用。

臨訓前又影返張夜景相。


第二日早上
GoPro Hero4 嘅電尋日已經用晒，可以收埋入背囊，用返手機，不過影少左相，第二天休息下，乜都唔做享受下大自然係最正。

一早起身就見到有D 烏雲，好彩後尾無落雨。

第二日兩姊妹又去朋友仔個充氣床墊到玩。

小朋友玩吹泡泡係可以玩好耐。

兩歳同四歳都係咁鍾意玩的一種玩意。

唔經唔覺，下午四點幾，係時候執野閃人。舅父佢地都轉用背囊，好多野可以放晒入去，隻手就再拎其他野。

見等船期間又見人少就影下D 平時無影的野。

兩日一夜露營樂又完結，唔知下次幾時再黎。