2020年9月29日星期二

[露營裝備] [露營用品] 露營燈的分類 / 種類 / 類型 (蠟燭燈, 火水燈, 煤油燈, 瓦斯燈, 燃料汽化燈, 煤油汽化燈, 電營燈, LED營燈)

蠟燭燈 Candle Lantern

蠟燭燈火舌細,光度弱,容易被吹熄,但因為燃料平(蠟燭),燈的體積細小,更換燃料及操作都十分簡單,容易營造氣氛,相對不算太危險,所以很受露營愛好者歡迎,勉強還可以放入帳篷內(要十分小心)。

UCO Classic Series Original Candle Lantern


火水燈/煤油燈 Kerosene Lantern

火水燈火舌細,光度普通,使用方法簡單,同樣營造氣氛為主,但續航力比蠟燭燈長得多,燃料亦十分便宜,唯獨燈的體積比較大,亦不能放入營內。


Feuerhand Baby Special 276


瓦斯燈 Gas Lantern

瓦斯燈顧名思義是用Gas,使用高山氣或邊爐氣,大多數款式都使用高山氣,有的使用燈紗有的不需,光度稍強,用法較氣化燈簡單,保養較氣化燈容易方便,多數有火力大細調較及電子打火,多數續航力比火水燈更長,燈的體積加上氣罐都比火水燈或氣化燈細一點,其燈罩十分熱,操作或搬動時要特別小心。

Snow Peak Little Lamp Nocturne (GL-140) / Snow Peak GigaPower Lantern Auto (GL-100AR)


燃料汽化燈/煤油汽化燈 Kerosene Pressure Lantern

汽化燈光度強勁,續航時間亦長,主要使用白電油、石蠟油、煤油(火水),燃料比瓦斯相對便宜些,款式多,外型造型多,結構原理相對複雜,要預熱,要打氣加壓,要燒燈紗,操作亦較麻煩複雜,有一定的著燈和熄燈步驟,燈的體積最大,燈罩同樣是十分熱,氣氛和氣勢同時俱備,不適合新手使用。

Petromax Petroleumleuchte HK500


電營燈 (LED營燈) Electric Lantern (LED Lantern)

現今最主流的露營燈類型,使用上可以用簡單方便快捷黎形容,主要分為電池式或充電式(內置鋰電池)。牌子眾多款式百變大細不一,有不同色溫選擇(黃光,白光…),有些更有信標燈、求救訊號燈、頻閃、紅光等等,光度由幾十流明到上千流明都有,適合放進帳篷內,有些更有防水防跌軀蚊等等額外功能,價錢有平有貴,比起其他燃料燈危險性相對較低,只要換電池,或用外置充電器充電,三日兩夜或者超過一星期的使用都不是問題。

電池式多數使用2A或3A電為主,因為需要預留空間擺放電池,所以燈的體積一般和手掌一樣大細甚至再長一些,缺點是亮度和續航力與體積成正比,要更高亮度或更長續航力就要使用更大的電池,燈的體積亦要再大一些,所以電池空間限制左產品的最細體積,不能再輕量化,同埋如果忘記帶電池就GG。另外電池亦不能長期放在營燈內不使用,因為電池漏出電池液而損壞電子儀器的個案實在太多。

Black Diamond Voyager Lantern / Coleman 800 Lumens LED Lantern with BatteryGuard™


充電式已經成為現時的主流,內置鋰電池,電量以mAh為單位,單單是國內生產的款式都已經多不勝數,更有不少係熱賣款式,而且十分安全,相信只要小心過熱問題就可以。因為內置鋰電的關係,燈的體積可以再造得細一些或者附加更多的功能,現在不同牌子都出了比手掌更細的營燈,好處是除了可以為背囊減磅,亦可以同時帶多幾盞,擺放不同區域,照亮整個露營範圍。日間時份又可以用外置充電器充電,第二晚又再次使用。

其實除了用外置充電器充電,亦可以添加一些再生能源裝置為營燈充電,例如太陽能發電、水力發電、風力發電等等,循環使用,為環保出一分力。亦有營燈設計時加上手柄,以備緊急時無電以人力攪轉方式儲電。

Fenix CL20R USB Rechargeable Lantern / Nitecore High CRI Dual Output Lantern LR30

Goal Zero Lighthouse Micro Flash USB Rechargeable Lantern / Goal Zero Lighthouse 600 Lantern & USB Power Hub


圖片來源:
https://www.ucogear.com/
https://www.feuerhand.de/
https://www.snowpeak.co.jp/
https://www.petromax.de/
https://www.blackdiamondequipment.com/
https://www.coleman.com/
https://www.fenixlighting.com/
https://www.nitecore.com/
https://www.goalzero.com/


2020年9月28日星期一

[露營裝備] [露營用品] Goal Zero Lighthouse Micro Flash USB Rechargeable Lantern 電筒+電營燈(充電式) 營燈4 (行山, 探險, 防身, 露營燈)

記憶中呢種型狀的營燈都係入電池式居多,而呢款就係充電式,其實都出左好一段時間,較為出名都係Goal Zero 同 Ledlenser,最後揀左呢款入手,主要因為呢款靚仔簡單方便價錢平D,估計如果出下一代會再提高亮度,150流明係營外如果多人就唔係幾夠用,不過放係營入面就還可以。

正因為係充電式,所以成支燈都可以造到咁細小,而我買呢款係Lighthouse Micro Flash,仲有另一款係Lighthouse Micro Charge,佢比Lighthouse Micro Flash長身少少,多左個USB 插頭位,駁叉電線可以幫其他野充電,但其實佢只係得2600mAh,用晒成支燈的電都叉唔爆一部手機,如果出下一代首先要提高電量先,雖然唔係貴好多,但我都係揀返Lighthouse Micro Flash,體積再細小D 更加的骰可愛。

Goal Zero Lighthouse Micro Flash USB Rechargeable Lantern
  • 外型極細小,只重 68g
  • 內置 2600mAh鋰電池
  • 附帶USB插,不需外加充電線已可充電 (充電時間約 3.5 小時)
  • 設電筒及營燈模式
  • 營燈模式可選 4 燈或 2 燈
  • 營燈模式: 最高亮度 150 流明
  • 電筒模式: 最高亮度 120 流明
  • 營燈及電筒燈光色溫偏暖 (黃光)
  • 只有一按鈕,按實可調校亮度
  • 有四級電量顯示
  • 有掛扣可吊起
  • IPX6 防水級別













Black Diamond Voyager Lantern vs BEAL LT190 Lantern vs Goal Zero Lighthouse Micro Flash








2020年9月27日星期日

[露營裝備] [露營用品] Nitecore NWE30 Emergency Electronic Whistle 電子求生哨子

普通哨子或者防水哨子都見過買過,電子的求生哨子真係幾新穎,睇到Facebook Page 有介紹就即刻出街入手,雖然哨子係求生用品,但露營都有機會會行山,亦有部份人仕會在官方營地以外的地方露營,其實亦不止在香港這一個地方露營,可以去外地露營,所以買一個求生用品防身並唔算十分誇張。

而呢個電子求生哨子的好處就係唔洗消耗自己體力去發出求救訊號,即使在細細的香港都周不時有新聞報導有行山人仕迷路要等待救援或者失蹤,所以我的行山背囊都會有求生用的物品,雖然揹住行山會增加重量但又無機會用到,但應急求生的物品就係用在一時,你唔知邊次會用得著。

Nitecore NWE30 Emergency Electronic Whistle 電子求生哨子
  • 高達120db輸出電子求生哨
  • 啟動後每10秒發出120db求生警號
  • 聲音呈發射式全方位擴散
  • 黑暗下自動開啟2000流明的定位訊標光
  • 4顆Luminus SST-20-W LED
  • 可用續航達72小時
  • 符合IP68 防水標準(水下2米),1米防摔能力
  • 擰鬆即響,方便快捷
唯一缺點就係使用CR123 電池









2020年9月26日星期六

[露營裝備] [露營用品] SOTO Micro Torch Active 微型火槍(點火器) ST-486RG 及 SOTO Slide Gas Torch 伸縮防風火槍(點火器) ST-480RT

橙色新款(ST-486RG) 的火槍係o係行山舖做大減價時入手,因為好記得之前行舖頭售貨員講過呢款可以用邊爐氣,以前果款唔得。但其實迷彩舊款(ST-480RT) 我都係入左邊爐氣,又用得好地地,但都對新款有興趣,可以名正言順用邊爐氣好似安心D。

終於等到大減價,又記得買,其實係油麻地分店睇野果陣都唔記得買,之後好彩經過旺角又醒起仲有一間分店係附近,就上去買左,但今次經歷又係R 爆頭,上到舖頭都一心想買,話晒都有六幾折,唔係時時有,但同售貨員講起件貨果陣,佢地又話唔入得邊爐氣,同一間行山舖,之前第二位售貨員係實牙實齒話呢款用得邊爐氣,點解今次兩個售貨員都話唔用得又話用火機GAS,又話用高山氣又加Adapter,搞到一頭霧水,最後唔理佢地俾錢走人,仆街,個盒都寫住可以用邊爐氣。

最後再返屋企睇埋youtube 片,可以肯定兩款都可以用邊爐氣直接入GAS,反而用高山氣就要用Adapter,所以好多時售貨員都係信唔過。

而今次新款除左外型唔同之外,其實仲有第二款型狀的係筆直型,個人偏向鍾意L 型,新款對比舊款除左多顏色選擇,仲有就係有蓋,但無左按鈕鎖,新款係著火之前要開蓋,舊款係著火之前要解鎖,但新款就無伸縮,其實舊款的伸縮功能十分可取,始終離火源遠一些,不過整體感覺就係新款札實D,感覺跌跌撞撞都唔會咁易壞。

SOTO Micro Torch Active 微型火槍(點火器) ST-486RG
  • 重 45g
  • 集中式火焰輸出,溫度可達攝氏1,300度
  • 增強防風性,戶外使用更方便
  • 設有防塵蓋,可保護噴火口
  • 底部旋轉設計,調整火焰大小比舊款更容易
  • 保留了透明窗可隨時監控瓦斯的存量
  • 保留了預留綁繩的用的孔,比舊款大一些


SOTO Slide Gas Torch 伸縮防風火槍(點火器) ST-480RT
  • 重 50g
  • 火焰溫度可達攝氏1,300度
  • 火槍頭可伸縮,能延伸約7.5cm 左右的長度
  • 火槍頭在伸或縮時皆可點火
  • 點火按鈕有安全鎖,解鎖後才能點火
  • 噴火槍上有透明窗可隨時監控瓦斯的存量
  • 末端還有預留綁繩用的孔