[露營裝備] [露營用品] Claymore Lamp Athena_i 營燈13 (Claymor3) (行山, 探險, 防身, 露營燈)

韓國製造的 Claymore Lamp Athena_i 營燈, 亮度終於有所提升, 最高亮度800 流明, 最大賣點是它可以放驅蚊片, 熏蒸器發熱產生軀蚊效果, 內置 9800mAh 大容量電池, 提供較長的使用時間, 此營燈主要提供黃光(氣氛)為主, 3 種不同氣氛模式: Breeze(微風)、Sunset(日落)及Sunrise(日出)。

Breeze 模式 (色溫 1300K-1500K): 營火時光時暗的波浪光束, 最適合把酒談心

Sunset 模式 (色溫 1300K): 浪漫紅光, 最適合乜都唔做 Chill 返下

Sunrise 模式 (色溫 3000K): 黎明的光度, 較適合用此模式活動如玩遊戲, 閱讀, 煮食

營燈及驅蚊功能可獨立操作, LED 備有優質散射過濾器, 形成不會產生過度強光的優化光束, 燈罩使用了柔光罩, 直望都不太傷眼, 無段亮度調節, 單鍵操控, 備有電量顯示燈, 用淨幾多電, 幾時要叉電一目了然, 新品必備的USB-C 充電口, 另外亦內建三腳架螺絲孔, 可以鎖定於三腳架上。另外亦可配上吊掛式反射燈罩, 效果亦出奇地好。

產品沒有附送蚊片, 如用 Thermacell 的蚊片, 要剪走一小段才可放入熏蒸器上, 原來一般超市都沒有蚊片賣, 可能要淘寶或外國訂購~ (部份露營或行山鋪頭已經有售)

重量:	316g
電池容量:	9800mAh
尺寸:	102.6 x 85.3 x 60.5 mm
光源:	黃光
亮度:	29-800流明
充電時間:	3.5小時
連續使用時間:	8-88小時 (純照明) / 6-12小時 (軀蚊) / 4.5-11小時(照明+軀蚊)

[露營裝備] [露營用品] FLEXTAIL LIGHT REPEL 便攜軀蚊器

FLEXTAIL LIGHT REPEL 便攜軀蚊器

另一間鋪頭又做會員Crazy Sale, 襯7 折入手左呢個軀蚊器, 無內置電(可能仲襟用), 需要長插USB 線俾電, 同軀蚊燈一樣有兩種模式, Camping Mode 同Outdoor Mode, 同軀蚊燈一樣用同一SIZE 的蚊片, 安裝簡易, 一插電加熱都十分快, Camping Mode 最高溫度可達 110°C, 而Outdoor Mode 更可達到 165°C, 操作十分簡單, 軀蚊效能完全取決於軀蚊片加熱後的效力。配有掛扣加上充電器便可隨身攜帶, 或掛在營內使用。價錢略嫌貴左少少。

[露營裝備] [露營用品] FLEXTAIL 魚尾軀蚊燈 營燈10 (行山, 探險, 防身, 露營燈, 軀蚊)

FLEXTAIL 魚尾軀蚊燈

FLEXTAIL 呢次推出呢款軀蚊燈, 外型討好設計出色, 放軀蚊片的空間十分緊湊到位, 按鈕十分實淨, 不容易碰撞後意外開著, 機頂已配有掛扣, 機底有磁石可吸附左在鐵製品上, 亦有1/4 吋鏍絲口, 方便接在腳架上, 最高亮度400 流明, 可使用9 小時, 其次是200 流明續航13小時, 100流明續航25小時及50流明續航50小時, 電量4800 mAh, 個人覺得十分勉強, 如要著燈著軀蚊功能, 開一整晚, 相信只可以用Camping Mode 軀蚊, 以最低亮度開啟營燈, 而且只有IPX5 的防水級別。不過始終是國內生產, 性價比奇高, 隨機還附送Type C 充電線及保存盒一個。電量實測後, 最高亮度只能續航6-7小時, 勉強捱到一個晚上, 有機會再試軀蚊加營燈一齊試。

[露營裝備] [露營用品] Claymore Lamp Athena CLL-780MG 營燈6 (Claymor3) (行山, 探險, 防身,露營燈)

韓國製造的 Claymore Lamp Athena 營燈，亮度並不是十分強，最光亮度只有440 流明， 最大賣點是它可以放驅蚊片，熏蒸器發熱產生軀蚊效果，內置 10050mAh 大容量電池， 提供較長的使用時間，此營燈主要提供黃光(氣氛)為主，3 種不同氣氛模式: Breeze(微風)、Sunset(日落)及Sunrise(日出)

Breeze 模式 (色溫 1300K-1500K): 營火時光時暗的波浪光束，最適合把酒談心

Sunset 模式 (色溫 1300K): 浪漫紅光，最適合乜都唔做 Chill 返下

Sunrise 模式 (色溫 3000K): 黎明的光度，較適合用此模式活動如玩遊戲，閱讀，煮食

營燈及驅蚊功能可獨立操作，LED 備有優質散射過濾器，形成不會產生過度強光的優化光束， 燈罩使用了透明及安全的聚碳酸酯: 可讓光線更通透，抗跌能力較鋼化玻璃高 150 倍， 無段亮度調節，單鍵操控，備有電量顯示燈，用淨幾多電，幾時要叉電一目了然， 新品必備的USB-C 充電口，另外亦內建三腳架螺絲孔，可以鎖定於三腳架上。唯一敗北就係附送的四支腳仔，並不是螺絲頭扭入去，而係膠圈仔塞入去，整得唔好就好易甩腳。

產品沒有附送蚊片，如用 Thermacell 的蚊片，要剪走一小段才可放入熏蒸器上，原來一般超市都沒有蚊片賣，可能要淘寶或外國訂購~ (部份露營或行山鋪頭已經有售)  測試後，開著燈(不是最高亮度)，再開驅蚊功能(一片)，使用時間都長過 Flextailgear Max Repel 軀蚊機 Camping Mode (綠燈) ～😭部 Flextailgear 廢廢地~ 而熱度大家差不多，亦即係部 Flextailgear 用 Outdoor Mode (紅燈) 會再熱一點，但勢估唔到 Camping Mode 時間都過唔到七小時 😭

重量:	520g
電池容量:	10050mAh
尺寸:	144 x 144 x 180 mm
光源:	黃光
亮度:	24-440流明
充電時間:	7小時
連續使用時間:	10小時-75小時