[露營裝備] [露營用品] 被淘寶及拼多多屌打各大品牌的產品之一 - 打火棒 (打火石)

今次唔會介紹, 因為只要係淘寶或拼多多搜尋就一定搵到, 我試過好多不同的網鋪, 收貨的品質都好好, 而且價錢平, 甚至係十分平, 價錢相差十倍以上, 無論係長度粗度都屌打以前介紹過的各大品牌, 火花量亦足夠, 刮刀的品質一樣, 有d 甚至乎係超越, 更有專門為打火棒以設的刮刀出售, 仲貴過支打火棒, 但要容易刮出火花, 那片刮刀都好重要, 如果係買過的咁多製成品中, 我最鍾意反而係無加個柄落去的, 現兜兜咁成支打火棒渣住。

不過公道講句, 以前介紹的品牌其實係有設計, 除左打火棒有柄, 那片刮刀都有柄或手握位, 有些有繩連住, 有些會整支打火棒包覆住, 有防水效果, 有些可以更換打火棒, 而淘寶或拼多多賣的主要係一支棒同一塊刮刀, 有些會連住繩, 或送個小布袋。但個人偏好國內的夠RAW夠簡單直接。

[露營裝備] [露營用品] 再三搜鑼12款平價淘寶拼多多露營燈, 營燈16 (行山, 探險, 防身, 露營燈)

又一年了, 拼多多的崛起, 令商品售價一低再低, 今次搜鑼左12款平價淘寶拼多多露營燈, 雖然今次有12款咁多, 但都包含唔晒網上的咁多款色的露營燈, 只係睇啱心水就拍, 唔覺意都買左咁多, 主要係因為價錢真係好平, 我就係想睇下平野有無好野~ 全部露營燈的最高亮度續航時間已經實測一次~

摸魚咯迷你口袋補光燈

拼多多一定要係手機睇或者落單, 有時好容易睇錯左, 買錯野, 呢個"摸魚咯迷你口袋補光燈", 我立下眼以為同"OR太陽能戶外露營燈"一樣SIZE, 見個價錢無諗太多就一按買左, 收到貨之後先知原來同"微笑鯊迷你戶外露營燈"一模一樣, 係價錢唔同, 牌子唔同, 重量唔同, 其他都係一樣, 真係低處未算低, 8蚊真係無得投訢, 經過續航測試, 以最高亮度可以續航5小時以上,光度會隨著時間變暗, 其後的時間其實以極低光一路維持著燈, 用黎應急, 補光用就差唔多, 但外型係幾好, 得一個按掣, 操作簡單。

WS-D057超薄手電筒

又係見到同"GT7 PRO"的款差唔多又平左$8蚊,望左幾望又按掣俾錢, 收貨同圖片有落差, 圖片印晒型號同設計花紋, 實質收到的貨係黑色一支野, 比起"GT7 PRO"要厚, 但重量就輕一點, 因為整個外殼都係膠, 感覺低檔一點, 但亮度就同"GT7 PRO"差不多, 不過都有紅藍警示燈, 經過續航測試, 以最高亮度可以續航約4小時45分。充電沒有任何提示燈, 太差。

微笑鯊迷你戶外露營燈

呢款燈係較早前買落, 都係貪平, 但外型係幾好, 得一個按掣, 操作簡單, 續航時間不足2小時, 其實稱唔上露營燈, 用黎應急, 補光用就差唔多。可能買左一段時間, 電量都有流失。

GT7 PRO探路蜂超薄手電筒

呢款輕量手電筒, 係幾有驚喜, 細小, 薄, 又輕, 但亮度十分足夠, 又有紅藍警示燈, 經過續航測試, 以最高亮度可以續航約3小時30分左右, 光度會隨著時間變暗, 以這個體積黎講算不錯。

OR太陽能戶外露營燈

呢款燈的佈局好熟面口, 但價錢再進一步平, 最正係數字的電量顯示, 又有太陽能充電, 經過續航測試, 以最高亮度可以續航約2小時45分左右, 係比較失望的, 光度會隨著時間變暗, 果然一分錢一分貨。

微笑鯊戶外強光露營燈

典型細電量LED露營燈, 同第一篇介紹的雅尼的細電量露營燈好相似, 有掛鈎, 有磁吸, 無太陽能, 有三種色溫, 無極調光, 最高亮度足夠, TYPE C 充電, 簡簡單單, 續航力普通, 不足以成為合格的露營燈, 手感札實, 微笑鯊這個品牌暫時都算唔錯的~

微笑鯊太陽能工地照明燈

收貨一刻就講, 咁大舊, 果然係工地, 地灘的照明燈, 不過太陽能板的面積相對大左, 戶外用就最好, 最高亮度不算太高, 勉強可接受, 諗住佢續航力可以好一點, 哈, 又唔係, 而且每次呢款燈的造工都好粗糙, 不過呢次係有品牌的, 全部功能都正常可使用, 係唯獨插TYPE C 充電時有少少KICK, KICK 地 ~

長城手機拍照補光燈

其實呢款唔係露營燈黎, 但我見質素幾好, 所以介紹埋佢, 價錢可接受, 有個夾主要夾在手機上影相時補光, 最高亮度好足, 而且仲分左十檔, 可以因應需要調較光度, 以最高亮度可以續航約3小時左右, 值得一讚的是期間亮度沒有變暗, 但也不能當露營燈照明一整晚, 用黎應急, 補光可以。

HIKEGUYS太陽能露營燈

HIKEGUYS 這款燈有電筒模式, 營燈模式,最高亮度尚何接受, 電量一般, 以最高亮度可以續航約7小時左右, 光度會隨著時間變暗, 體積偏大, 入手原因係有數字電量顯示, 不過無諗過會咁大舊。

LEM太陽能戶外露營燈

睇相就誇啦啦, 收貨後見到實物就覺得好膠, 不過功能上係俾齊你, 有電筒模式同營燈模式, 開合方式令到掛起燈具時有小許角度的選擇, 有太陽能充電但太陽能面板十分細, 有磁吸和1/4 螺紋接口, 整體黎講不過不失, 但外型唔靚, 因為太膠, 所以重量算輕。

LEM戶外露營燈H6PRO皓月

典型大電量LED露營燈, 同上一篇介紹的雅尼的大電量露營燈好相似, 有掛鈎, 有磁吸, 無太陽能, 有三種色溫, 無極調光, 最高亮度足夠, TYPE C 充電, 簡簡單單, 續航力不過不失, 手感札實, LEM 這個品牌暫時都算唔錯的, 值得推介~

HIKEGUYS強光超亮手電筒

HIKEGUYS 這款電筒有電筒模式, 又有營燈模式, 亦可以同時開啟, 最高亮度一般, 電量不明, 續航時間約8小時左右, 光度會隨著時間變暗, 又係有數字電量顯示, 主要擺係屋企應急使用, 體積巨大。

[露營裝備] [露營用品] 玩味SANRIO 各款公仔露營燈, 營燈15 (行山, 探險, 防身, 露營燈)

今次入手主要原因係平, 因為千色減左價只賣$59, 有白光, 黃光, 白光主要為照明, 亮度略為不足, 黃光閃爍營造營火的感覺, 都扮得幾似, 光暗亮度是以旋轉按鈕調較, 用黎作為小夜燈最適合不過, 呢個價錢玩味性質居多, 家居使用露營使用都可以, 入三粒2A 電, 因為電子門鎖換電後有好多未用完的2A電, 所以呢盞燈最合適不過, 等我可以清下D 2A電。

圖片來源: 茉莉生活百貨

[露營裝備] [露營用品] 再次搜鑼七款平價淘寶露營燈, 營燈14 (行山, 探險, 防身, 露營燈)

睇返上次的淘寶露營燈, 都已經係一年前, 今年又有免運又多優惠, 都買落好多淘寶野, 唔覺唔覺都搵到七款燈黎介紹, 不過價錢貴少少, 始終過左一年物價都貴左D, 其實淘寶的露營燈款仲有好多, 唔會買得晒, 我都只係搵左D 啱心水的黎入手, 同樣係各式各樣的燈款都有。

鎖匙扣燈 (頂配三色版-1000W)

己經是店內的頂配版, 但價錢都只是$33, 性價比十分高, 白光黃光各有兩級亮度, 有紅光及紅光頻閃, 長按白黃光全開, 店內沒有標示亮度, 但實測時都覺得光度很強, 變相續航力一定十分低, 主要用途扣係背囊手袋, 或以磁力吸附係金屬上方便取用,  另配有1/4螺紋接口, 用安裝於腳架上, 價錢咁平可以多買幾過看門口。

LEM帽夾燈

LEM的帽夾燈, 價錢平, 十分輕, 最高亮度180流明, 最長續航48小時, 應該係最低亮度的時間, 白光有三檔, 亦有紅光及紅光頻閃, 可夾在CAP帽上亦可變頭燈, 最大功能係簡易地使用揮手感應, 感應亦十分靈敏, 機仔細細都配有電量顯示燈, 聲稱可浮於水面以及超聲波防水, 唔知係乜, 唔係IPXX 標準就當佢無算。

LEM露營燈 (E48加強版)

同樣是LEM出品, 典型的露營燈, 有太陽能充電, 最高亮度1000流明, 最長續航56小時, 都係講緊最低亮度的時間, 使用旋轉開關及旋轉無極調光(80-1000流明), 有三種色溫(3000K, 4500K, 6500K), 電量算高有6000mAh, 重量一般, 同樣有電量顯示燈, 另配有 1/4螺紋接口, 方便安裝在腳架上, 防水級別IPX6。

Klattermusen汽車维修燈 (連4顆18650電)

一直都想搵可以入18650電蕊的LED 燈, 呢款Klattermusen 話名係汽車維修燈, 但其實佢的設計同款式係啱晒露營使用, 尤其係可以使用兩粒18650的電, 雖然附送的電只有2200mAh, 用兩粒有4400mAh, 但只要換電就可以繼續使用真係十分方便, 又有掛扣設計, 又有強磁吸附, 以佢的體積黎講重量唔算十分重, 雖然店內無標示最高亮度和最長續航, 但實測時亮度係十分足夠, 相信可以較低一兩級來使用, 亦設有三種色溫和紅光, 亦有紅光頻閃, 更可以當佢係尿袋 (奶媽) 使用, 配有電量顯示燈及1/4螺紋接口。

雅尼露營燈 (YN-Y3)

雅尼的露營燈, 其實係上次介紹的M2放大版, 沒有標示最高亮度, 但續般力約9-160小時, 亦即是最高亮度都可以用9小時, 已且實測最高亮度係十分光, 長按無極調光, 可以較低一兩級來使用, 設有三種色溫, 電量強勁, 有8400mAh, 重量約370g, 亦配有電量顯示燈及可以當佢係尿袋 (奶媽) 使用。

雅尼露營燈 (YN-Y6)

同樣是雅尼的露營燈, 係上一款的再加大版, 沒有標示最高亮度, 但續般力約12-300小時, 亦即是最高亮度都可以用12小時, 實測最高亮度係十分光, 照到眼都盲, 長按無極調光, 可以較低一兩級來使用, 設有三種色溫, 電量強勁, 有13500mAh, 重量約470g, 亦配有電量顯示燈及可以當佢係尿袋 (奶媽) 使用。

ROCKMONKEY岩猴氣氛燈 (S3銀色)

價錢最貴的ROCK MONKEY氣氛燈, 一分錢一分貨, 造工很好, 透明外殼晶瑩通透, 內裏設計亦十分靚, 手感亦好, 最高亮度200流明, 最長續航約7小時, 很有可能是最高亮度的時間, 開關設於頂部, 長按開關, 旋轉無極調光(15-200流明)及轉換模式, 以暖光為主的色溫, 顧名思義是氣氛燈, 電量不高有3000mAh, 不過因為最光都只係200流明, 所以續航時間都算長, 重量算輕, 聲稱IP54 防塵防水, 亦配有電量顯示燈及1/4螺紋接口。