又一年了, 拼多多的崛起, 令商品售價一低再低, 今次搜鑼左12款平價淘寶拼多多露營燈, 雖然今次有12款咁多, 但都包含唔晒網上的咁多款色的露營燈, 只係睇啱心水就拍, 唔覺意都買左咁多, 主要係因為價錢真係好平, 我就係想睇下平野有無好野~ 全部露營燈的最高亮度續航時間已經實測一次~
拼多多一定要係手機睇或者落單, 有時好容易睇錯左, 買錯野, 呢個"摸魚咯迷你口袋補光燈", 我立下眼以為同"OR太陽能戶外露營燈"一樣SIZE, 見個價錢無諗太多就一按買左, 收到貨之後先知原來同"微笑鯊迷你戶外露營燈"一模一樣, 係價錢唔同, 牌子唔同, 重量唔同, 其他都係一樣, 真係低處未算低, 8蚊真係無得投訢, 經過續航測試, 以最高亮度可以續航5小時以上,光度會隨著時間變暗, 其後的時間其實以極低光一路維持著燈, 用黎應急, 補光用就差唔多, 但外型係幾好, 得一個按掣, 操作簡單。
又係見到同"GT7 PRO"的款差唔多又平左$8蚊,望左幾望又按掣俾錢, 收貨同圖片有落差, 圖片印晒型號同設計花紋, 實質收到的貨係黑色一支野, 比起"GT7 PRO"要厚, 但重量就輕一點, 因為整個外殼都係膠, 感覺低檔一點, 但亮度就同"GT7 PRO"差不多, 不過都有紅藍警示燈, 經過續航測試, 以最高亮度可以續航約4小時45分。充電沒有任何提示燈, 太差。
呢款燈係較早前買落, 都係貪平, 但外型係幾好, 得一個按掣, 操作簡單, 續航時間不足2小時, 其實稱唔上露營燈, 用黎應急, 補光用就差唔多。可能買左一段時間, 電量都有流失。
呢款輕量手電筒, 係幾有驚喜, 細小, 薄, 又輕, 但亮度十分足夠, 又有紅藍警示燈, 經過續航測試, 以最高亮度可以續航約3小時30分左右, 光度會隨著時間變暗, 以這個體積黎講算不錯。
呢款燈的佈局好熟面口, 但價錢再進一步平, 最正係數字的電量顯示, 又有太陽能充電, 經過續航測試, 以最高亮度可以續航約2小時45分左右, 係比較失望的, 光度會隨著時間變暗, 果然一分錢一分貨。
典型細電量LED露營燈, 同第一篇介紹的雅尼的細電量露營燈好相似, 有掛鈎, 有磁吸, 無太陽能, 有三種色溫, 無極調光, 最高亮度足夠, TYPE C 充電, 簡簡單單, 續航力普通, 不足以成為合格的露營燈, 手感札實, 微笑鯊這個品牌暫時都算唔錯的~
收貨一刻就講, 咁大舊, 果然係工地, 地灘的照明燈, 不過太陽能板的面積相對大左, 戶外用就最好, 最高亮度不算太高, 勉強可接受, 諗住佢續航力可以好一點, 哈, 又唔係, 而且每次呢款燈的造工都好粗糙, 不過呢次係有品牌的, 全部功能都正常可使用, 係唯獨插TYPE C 充電時有少少KICK, KICK 地 ~
其實呢款唔係露營燈黎, 但我見質素幾好, 所以介紹埋佢, 價錢可接受, 有個夾主要夾在手機上影相時補光, 最高亮度好足, 而且仲分左十檔, 可以因應需要調較光度, 以最高亮度可以續航約3小時左右, 值得一讚的是期間亮度沒有變暗, 但也不能當露營燈照明一整晚, 用黎應急, 補光可以。
HIKEGUYS 這款燈有電筒模式, 營燈模式,最高亮度尚何接受, 電量一般, 以最高亮度可以續航約7小時左右, 光度會隨著時間變暗, 體積偏大, 入手原因係有數字電量顯示, 不過無諗過會咁大舊。
睇相就誇啦啦, 收貨後見到實物就覺得好膠, 不過功能上係俾齊你, 有電筒模式同營燈模式, 開合方式令到掛起燈具時有小許角度的選擇, 有太陽能充電但太陽能面板十分細, 有磁吸和1/4 螺紋接口, 整體黎講不過不失, 但外型唔靚, 因為太膠, 所以重量算輕。
典型大電量LED露營燈, 同上一篇介紹的雅尼的大電量露營燈好相似, 有掛鈎, 有磁吸, 無太陽能, 有三種色溫, 無極調光, 最高亮度足夠, TYPE C 充電, 簡簡單單, 續航力不過不失, 手感札實, LEM 這個品牌暫時都算唔錯的, 值得推介~
HIKEGUYS 這款電筒有電筒模式, 又有營燈模式, 亦可以同時開啟, 最高亮度一般, 電量不明, 續航時間約8小時左右, 光度會隨著時間變暗, 又係有數字電量顯示, 主要擺係屋企應急使用, 體積巨大。
