[露營生活] [露營資訊] 初探黃石營地 (2017-01-31)

坐大飛離開灣仔南，返回黃石碼頭，襯未天黑就去黃石營地行一行，由於使用率太高，草地已經無乜，以呢個營地的方便度黎睇，營地實在太細，官方數字為八個營位，水源和廁所都要靠一號燒烤場，假日遊人眾多，必定熱鬧非常。

黃石營地隔離就係黃石家樂徑。

上樓梯後有一段路仔要行。

上到去都佈滿營帳。

黃石營地係以梯田式建成。

黃石營地係一個可以望到海的營地，仲可以到碼頭垂釣。

營地的頂部有條小徑去另一個燒烤地點。

燒烤爐同桌子太多，變得不夠位札營。

營地最高點俯視的角度。

[露營生活] 初到貴境@灣仔南 (2017-01-29 至 2017-01-31)

第一日中午

因為呢次會玩三日兩夜，所以唔係太著急，係屋企食左飯先出門口，今次去嘅人好多，固定班底我和阿媽加大女之外，仲有細細佬同爸爸，同埋舅父舅母和兩位表弟，爸爸仲開完半日工過黎，集合一齊5個人CALL VAN去，舅父急不及待，仲上左黎催我地，仲幫我地囉野落去，我地一家五口坐VAN 仔，舅父一家四口渣車先後出發，因為衝忙間唔記得囉大女的玩具落樓，叫左表弟幫手上返去囉，所以舅父架車遲我地少少。
我地先到北潭涌閘口，VAN 仔都要申請禁區証，我幫司機入左去申請，跟住見到舅父表弟都黎左，一齊搞掂張禁區証又出發進入黃石碼頭。因為有D 傷風未好，所以今日無乜影相，將主要的精力放係搭建營帳方面。
想去灣仔南營地有兩種途徑，第一種途徑是搭車到海下行入去灣仔西營地再行去灣仔南營地，需時一小時左右(連影相時間)，第二種途徑是搭車入黃石碼頭，再坐大飛或街渡(星期六、日及公眾假期)入灣仔南，因為街渡有時限，我地選擇坐大飛入去，話咁快就到，一上碼頭就係營地。

我地一到步就異口同聲話：「好細！」，環境很好，但係比想像中細，以呢個營地的受歡迎程度黎講，可以活動的空間真係好少。

由於係年初二的關係，有部份人應該新年前到，近海的營位都有人佔據，係無乜位揀的情況下，今次揀左個好近洗野同廁所的位置，而去到無耐就落雨，所以拿拿聲起天幕先，因為大家都有晒經驗，亦知預測係會有幾陣雨，所以今次兩個天幕都會遮住個營，走果陣唔洗抺餐死。

因為D 雨一時時，所以全部人都入晒天幕之下，慢慢燒下野食，吹下水，玩樂一番。

期間橫風橫雨。

半夜雨停了，影返一張相做紀錄

次次見人地個營著左燈都好靚，不過呢次控制營燈的光暗差D，有個十字出左黎。個天幕唔夠大，經常要為營底墊抺走D 雨水，營底墊都巢晒皮。


第二日早上
灣仔南的海景，雖然睇唔到日出，但都真係令人好舒服。

剛好時間有街渡黎緊。

係搭營時，大家都有意識地留返條主要通道。

今日天氣好好，大家都行去灣仔西看看。

有兩隻牛牛係度曬太陽。

村長搬左去灣仔西，依然好有規模。

灣仔西比灣仔南大很多，這樣才有戶外活動的空間。

灣仔西全景。

灣仔西全景，行後幾步，包埋村長位。

舅父舅母同爸爸開始釣魚，大女係都要湊熱鬧，唯有跟到佢實，因為岸邊太危險。牛牛都會行到黎灣仔南，不過有閘入唔到營地。

古靈精怪的大女惹得大家發笑。

行去秘景中途的風景。

開心玩啤牌的大女，呢個髮型好WILD。

舅父的速開營，款色我都好鍾意，早前係淘寶差D 買左，不過SIZE 唔夠大放棄左。

今日天氣好到大家都去沖左個凍水涼。


第三日下午
明顯我仲未好返晒，真係影左好少相，第一張相就走人。

坐大飛返黃石碼頭中。

黃石碼頭都OKAY，乾乾淨淨整整齊齊。

愛擺POSE 的大女@黃石碼頭