[露營裝備] [露營用品] N9 LUMENA2 LED LANTERN 露營燈 - 營燈3 (行山, 探險, 防身)

N9 LUMENA2 LED LANTERN 露營燈

終於入手呢款營燈，露營界流傳左好一段時間，原先只能夠係網上面訂購，現在各大商舖都引入左呢款營燈，連HKTVMALL 都有得賣，價錢都算幾貴，係剛好生日月份優惠先係行山舖入手，襯住有折仲一次入手兩個。

最近都很忙，買左幾日先得閒拆，包裝值得一讚，十分簡單，拆盒之後就係個保護盒，保護盒內有LED 燈，充電線，S形扣，磁力掛勾，LED燈本身可以反個半圓環出黎, 用S形扣扣在營帳上，因半圓環內有狗牙位，變相LED燈可以以不同角度掛住，另外亦可以用磁力掛勾，一邊以磁力吸住LED燈，另一邊以勾掛在營帳上，磁力十分強勁，不用擔心會鬆脫。

小弟買的兩盒都係黑色，另外還有其他色，但香港店舖賣的都是黑色版，IP67防塵防水等級，亮度由100至1500流明，可調較三種色溫 - 黃光、白光、自然光，另有SOS模式，內置10000mAh鋰聚盒物電池，有一充電口，USB輸出口，可供手機或平板充電，值得一讚的還有鑼絲位，可以扭上大大細細的腳架上，作補光之用。

[露營裝備] [露營用品] 無線強力風扇 - LUMENA N9-FAN STAND 2

LUMENA N9-FAN STAND2

最近於淘寶購入韓國品牌LUMENA 出品的N9-FAN STAND2，全因較早前係香港的冒險樂園用積分換左同牌子的N9-FAN PRO手提風扇，不論設計、顏色、電量、手感和充電方式都十分滿意，所以膽粗粗係淘寶一試呢款座枱式的N9-FAN STAND2。

N9-FAN STAND2 由3片6寸扇葉設計，電量4000mAh，有4檔可調節風速，微風、自然風、涼爽風、強勁風，根據需求選擇。 45度角度控制，仰俯角，調整最合適送風角度。低噪音，低功耗，續航時間4 小時至20小時，有電量顯示燈，有計時器自動關閉，前網罩可拆開，清洗內裏扇葉，顏色暫有三款，冰川白、砂岩粉和雅致黑。開動後不會左右轉動，考慮風力同風扇呎吋的取捨，尚算可以帶去露營使用，個人覺得風速第2 / 3 檔都已經足夠，不過應該要帶備後備電源替其充電，充電時間約4小時。