[露營資訊] 香港露營地點

香港露營地點資料一覽表 v3.0

(深涌已經禁止露營，十分可惜)

營地類型
小型: 營位數目少於20
中型: 營位數目界乎20至50
大型: 營位數目超過50

不會無間斷更新，如有遺漏或錯誤，一切以政府官方網頁/現場環境為準。

香港露營地點地圖一覽 (Google Map)

資料來源:
http://www.afcd.gov.hk/
http://hingsir.mingroy.com/




大嶼山露營地點
籮箕灣營地, 石欖洲營地, 昂坪營地, 貝澳營地, 南山營地,
十塱營地, 白富田營地, 萬丈布營地, 狗嶺涌營地, 牙鷹角營地,
大浪灣營地, 煎魚灣營地, 分流西灣, 石壁營地

西貢露營地點
北潭凹營地, 水浪窩營地, 嶂上營地, 西灣營地, 鹹田灣營地,
大灣, 東灣, 深涌, 荔枝莊, 赤徑
昂平營地, 白臘灣, 白臘營地, 浪茄灣營地, 猴塘溪營地,
大灘營地, 黃石營地, 灣仔西營地, 灣仔南營地, 曝罟灣營地,
元五墳(南風灣)營地, 長咀, 大網仔營地, 怡庭營地

新界東北露營地點
流水響營地, 鶴藪營地, 三椏涌營地, 涌背營地, 降下坳營地

新界中及西露營地點
荃錦營地, 扶輪公園營地, 鉛礦坳營地, 河背營地, 田夫仔營地,
蝴蝶灣公園露營區

離島區露營地點
東平洲營地, 塔門, 東龍洲營地

[露營生活] 再戰鶴藪營地 (2016-11-12 至 2016-11-13)

第一日早上
呢次依舊九點半左右Call Van 直到鶴藪，而舅父佢地要晏晝先黎到，大女一落車無耐就嘔，可能一早起身飲完奶又暈車浪，好彩之後好生猛，我地一到步就揀地方起營，因為時間早，好多位都有人，當時都幾徬惶，後尾一路陸續有人走，仲有位揀下，有一班小學生同導師預備執野走，阿媽就揀佢地讓出的中間位，去廁所好方便，算係成個營地的正中間，所以路旁都會有人行黎行去，阿媽堅持呢個位好，算數就係度札營。

今次帶埋GoPro Hero 4 去, 嘗試影time-lapse

鶴藪營地人流量太勁，基本上係接住人來人往，所以地上的草都生長唔到，初哥始終都係初哥，揀左係一半草一半沙地上札營，收營果陣有排抺。

大大塊的銀面地席，鋪滿整個營，

經過上一次的經驗，放左銀面地席，真係隔到地下的濕氣，不過我地係銀面地席上再放自動充氣地席，一平一貴的組合都幾滿意，訓得幾舒服。

一班人走左又一班人黎，今日星期六，應該比尋晚仲多人。

黎到郊外，呼吸的都係新鮮空氣，大女好快就無事生猛返跳跳扎扎。

兩點半舅父舅母到步，又係重裝出動。

下午四點左右，老婆帶埋細女黎玩半日，連隔離鄰居胡太同佢孫女都話黎玩，去到郊外，小朋友都係開心的。

細妹覺得好新奇。

一個速開營已經玩得不奕樂乎。

剛好隔離營有小朋友，可以大家一齊玩。

為食的細妹。

第二天早上

被風吹左一晚的天幕，都向兩支天幕柱的中間塌下，舅父果個較重，塌得利害一點。

第二天下午

行裝大致上執好，臨走前又影下周圍的環境。

轉眼間隔離的露營友都離開了。

兩日一夜的露營體驗完結，大女揹住自己的背囊，仲幫手拎野走。多謝梓楓表弟相助車我走，阿媽同大女跟舅父車走，咁就唔使CALL VAN。

[露營生活] 20年後再次露營@鶴藪營地 (2016-10-29 至 2016-10-30)

同阿媽和舅父舅母經過商量多時，最後選擇一個最方便的營地 - 鶴藪營地，為第一次去嘗試的露營地點，準備功夫都做到足，最怕係太多人無位札營，因為會燒野食，所以都算幾重裝，不過因為Call Van仔直到目的地，而舅父就有車，所以去程回程都唔算辛苦。

第一日早上
因為第一次去呢個營地，舅父一家一早9點鐘左右就到步，我地約左VAN仔九點半，十點半前到，真係好方便，落車行上斜路就到，我地去到舅父已經札好營，當時舅父仲用緊唔防水的速開營，坐著等我們，大家都好重裝，我帶了兩個營加天幕，仲有三張月亮椅一張枱，全部都係第一次用。各自都帶左凍肉黎燒野食、煲、餐具和爐黎煎蛋煮麵，舅父帶左太陽傘同冰箱。

背囊都係新，藍色係VAUDE Brenta 50，綠色係VAUDE Asymmetric 52+8，第一次用，不過一星期前已經開始PACK野，今次老婆同細女無黎，所以一人一個背囊，大女的背囊都係VAUDE Puck 10，三個都係大減價果陣買，雖然減左價但都幾貴，不過貨真價實，又幾好用同埋幾靚~

年紀大又帶小朋友，最重的東西都係放車仔推著走算了

雖然人多好辦事，但起天幕都傾左好耐，又雞手鴨腳又轉過位置，之後真係落雨，真正考驗天幕同兩個防水營，而舅父兩個營就頂到一陣，最後要用膠枱布幫一幫手，不過營底都係濕了。

初時天幕係遮住石枱，方便食野果陣擋太陽，之後仲擋埋雨水。

兩個營都係第一次用，樣子本應很好，不過外帳門口位無落釘或落得唔夠遠，搞到怪怪的模樣。

以前燒野食必帶的太陽傘，舅父帶埋黎露營。

之後天幕轉左位置，遮住燒烤爐，順便測試下呢個天幕的耐熱能力。呢個營位自成一角，條天幕繩釘到咁都唔驚影響到人。

入黑時份影一張，大家都開始燒野食。

呢個營位連石枱連燒烤爐，十分方便。

話名四人營，但其實放三張床墊後只剩返少少位。

自動充氣枕頭同自動充氣床墊，都係大減價果陣或者用COUPON買，平左都係貴，不過我鍾意一步到位，買好少少。


第二日下午 - 鶴藪營地的環境一覽
鶴藪地方雖大，但人亦多，由於交通實在方便，經常爆滿，露營友冠以難民營之稱。

左圖是營地的入口，右圖沿路走可到洗手盆、廁所及營地其他部份。

鶴藪營地環境優美，係交通太方便，人流太多經常爆滿。