[露營裝備] [露營用品] FENIX E30R Flashlight 電筒5, NITECORE UT27 Headlamp 頭燈5 (行山, 探險, 防身)

電筒

FENIX E30R COMPACT RECHARGEABLE FLASHLIGHT 高性能EDC磁吸充電電筒

FENIX E30R 係一支小巧高性能的充電電筒，體積細小，長度僅99毫米，就是剛剛放置一粒18650電池的體積，郤可發出1600流明亮度，除了體積，用磁吸方式充電係其最大賣點，唔需要每次充電都扭開電筒殼，單鍵控制，按鍵內置電量指示燈，隨時掌握電量情況；擁有5檔亮度及爆閃模式，防塵防水等級IP68，可防止灰塵進入亦可在水下兩米使用30分鐘。

頭燈

NITECORE UT27 Ultra Lightweight Dual Beam Fusion Elite Headlamp 戶外全能輕量頭燈

NITECORE UT27 係一個雙光源雙電源輕量頭燈，最高亮度520 流明，雙開關按鍵可選擇暖色溫聚光或冷色溫的泛光，亦可混合使用，小弟買的套裝包括兩塊1300mAh電池，另外亦可使用3粒 3A電池，長遠計即使鋰電池壞掉頭燈仍可繼續以3A 電使用，頭燈連電池只重74g，附送鋰電池可以USB Type C 直接充電，有螢光電池倉，有紅光警示燈，有電量提示功能，附送收納袋可讓頭燈變成營燈使用，防塵防水等級IP66。

[露營裝備] [露營用品] SUREFIRE G2X PRO DUAL-OUTPUT LED FLASHLIGHT 電筒4 (行山, 探險, 防身)

SUREFIRE G2X PRO DUAL-OUTPUT LED FLASHLIGHT

除左以前係電器舖同十蚊店 (以前係10蚊) 買嘅電筒仔，入3A 或2A 電的普通電筒，之後所接觸的都已經係入鋰電的LED 電筒，當時的NITECORE 同 FENIX 都已經推出左好多款好多型號的電筒，果陣時都有聽過SUREFIRE 的大名，不過一睇到價錢就已經不在考慮之列，公道D 講，其實唔止價錢貴，而係佢係市面賣的電筒功能都同大陸造的差一大截，曾經有一兩次衝動都想買一兩支當係收藏，都已經等到舖頭執笠清貨咁濟，最後都係無買到，價錢貴接近一倍，功能偏偏寥寥可數。

今次入手有兩個原因，第一係舖頭大減價再加1 蚊送電池，第二係有鍾意的顏色可選擇，因為之前買落的電筒差不多9 成都係黑色，呢次買左支黃色，之後再買多支沙色，美中不足係所用的原裝鋰電池123A 並非充電池，即係用完就要囉去回收，其實坊間都已經有可充電的CR123 鋰電池賣，叉電機都有推出，口碑就比較參次，都係等我用晒買落的電芯先再作決定。

今次買呢支SUREFIRE G2X PRO 體積大細重量都適中，使用兩粒123A 鋰電池，但只有兩個光度，15流明和600流明，亦因為只有一個開關掣，按第一次就出15流明，關閉再開就出600流明，無記錯的話，係有另一款型號的先後次序係掉轉，先開600流明，再開先15流明。不過作為備用/收藏的電筒就無乜所謂。除此之外，就再無其他功能，連爆閃(頻閃) 都無，唉！雖然防水等級IPX7，可在水下一米使用，但沒有標明時間，個人建議不應長時間停留在水中。