2018年11月29日星期四

[露營生活] [露營資訊] 初探扶輪營地 (2018-11-29)

扶輪營地位於荃錦公路旁,除了車來車往,附近更有停車場、茶水亭、燒烤場、遊客中心、家樂徑、研習徑和麥理浩徑,馬路對面還有燒烤場,行遠一點還有荃錦營地,即使在平日星期一至五,都有很多的遊客,其實真的不是一個理想的露營地點,除此之外,其實扶輪營地範位十分細,官方標明營位得四個,唔使一分鐘就行完。

今天是星期四,停車場已泊了很多車。

停車場旁有一大片草地和茶水亭。

茶水亭有學生光顧。

營地入口就望到營位。

使用者太多,長期沒有草生長,唯有搭建木板,供露營人仕搭營之用。

地方雖小,但仍有燒烤爐和桌子提供。

有山水供清洗之用。

營地最大一片地,被學生佔用來玩遊戲。

扶輪營地的木牌。

[露營生活] [露營資訊] 初探荃錦營地 (2018-11-29)

荃錦營地入口位於荃錦公路行入數十米,營地兩旁是麥理浩徑第九段和荃錦自然教育徑,雖然沒有扶輪營地那麼近公路,不過仍然清楚聽到車聲,但環境就比扶輪營地好得多,而且地方都算大。

在進入荃錦營地前會見到荃錦管理站和公廁,再行入些經過小橋,就到荃錦營地入口。

呢度個格局好得意,唔識形容。

荃錦營地入口,這個營地地勢是一級級上,營地最盡頭亦係營地最高點。

營地一開始就有個亭係度,有咩事都可以靠佢遮風擋雨。

之後就有兩層梯田式的營地。



亦有燒烤爐提供。

再行上樓梯,又到一大片草地。

在寸草不生的地方,建造了木板方便札營。



 有草地又有燒烤爐和枱。

地方都算大。

之後再有得行上去。


去到最頂層,中間有個木板位,左右兩邊都有營位,右邊的地方較大。

左邊落梯級後就有一個木板位。

頂層位置,又是寸草不生。

右邊地方雖大,但都係無乜草,都是沙地。

最後係中層影多張全景。

2018年11月19日星期一

[露營裝備] [露營用品] 戶外照明裝備 - 電筒2 (行山, 探險, 防身)

電筒
SUREFIRE SIDEKICK (300 Lumens) (Rechargeable)
老牌美國照明工具品牌SUREFIRE 大約半年前推出呢款輕巧的電筒仔,共有三個光度可調較,300流明,60流明,5流明,唔需要入電池,插USB 即可充電,功能就只有這三個光度,唯一可以調較的是啟動時由光到暗300流明先或是暗到光5流明先,論性價比,其實已經被國產的FENIX 同 NITECORE 比下去,不過一直都好想試下SUREFIRE的產品,前後買左黑白兩隻色,細細隻放入背囊以備不時之需。原裝跟一個金屬扣,可將電筒當作鎖匙扣之用,或可另購配件金屬夾,方便夾係褲頭、袋口等等的地方。








FENIX TK16 (1000 Lumens)
現在買正常SIZE的電筒,最高亮度1000流明係基本要求,見有行山舖搬遷清貨,就7 折帶左返屋企,TK系列秉承陸戰之王——TANK的設計理念,以其高亮度,長射程,堅固可靠的特性,充分滿足了狩獵、搜索等任務的特殊需求,也是軍警巡邏、執法的上佳選擇。

原裝開盒時,戰術環及金屬夾都已經裝上電筒身上,整體外型變得特別醒神,身長140mm,燈頭直徑34mm,比起NITECORE P25 體積細了一個碼,因為現在行山同露營都講求輕量化,所以呢支電筒都算大支。亮度共有四個檔位,1000流明、400流明、150流明及10流明,再加埋爆閃模式,比起NITECORE P25,就少了SOS求救訊號和信標燈模式,有點美中不足。兩個開關按鈕都在電筒尾部,為戰術開關和功能開關,呢款分兩個按鈕的電筒操作都大同小異,戰術開關我會稱佢為電源掣,功能開關我會稱佢為Mode / Function掣,電源掣負責電筒的開關,但輕按亦可快速著光,係關機狀態下,按Mode掣就會一鍵爆閃,如在開機狀態下,Mode掣用來轉換檔位或長按1秒進入爆閃模式。雖然防水等級IPX8,可在水下兩米使用,但沒有標明時間,個人建議不應長時間停留在水中。






FENIX TK15UE (Ultimate Edition) (1000 Lumens)
同一間行山舖但不同地區,又搞大減價清貨,又75折帶走這個FENIX TK15 旗艦版,其實同TK16 分別不大,除了筒身是灰色,筒身長度比TK16長了2.5mm,最大分別算是功能開關轉移到筒身上,同埋所用的LED 不一樣,呢款用的Cree XP-L HI V3 LED,同TK16 用的Cree XM-L2 U2 LED,大家的壽命同樣是50000小時,但同樣在1000流明的極亮檔位中,TK15UE 的續航時間比TK16 多出50分鐘,但其實TK15UE的價錢比TK16還要平,最令我模不著頭腦。

TK15UE 同樣有四個亮度檔位,1000流明、350流明、150流明及10流明,再加埋爆閃模式,同樣沒有SOS求救訊號和信標燈模式。雖然防水等級IPX8,可在水下兩米使用,但沒有標明時間,個人建議不應長時間停留在水中。






FENIX E35UE 2016 (Ultimate Edition) (1000 Lumens)
早前已經買過FENIX E35UE,不過今次係更新版2016版,都加強左幾多野,除左最高亮度由900流明提升到1000流明,筒身長度更由130mm縮短至122mm,更加輕巧細小,更加多一個功能開關按鈕,操作與TK16有點不同,原本的電源開關長按0.5秒可開啟或關閉,開機狀態下,按下就可以轉換檔位,而長按功能開關0.5秒,就進入爆閃模式,之後每次按下就在SOS求救訊號模式和爆閃模式之間替換,不過同TK16和TK15UE一樣,依舊沒有信標燈模式。

亮度共有五個檔位,1000流明、450流明、150流明、50流明及8流明,再加上爆閃和SOS,令電筒變得更完善,不過最吹脹嘅係,和TK16一樣同樣用Cree XM-L2 U2 LED,但E35UE 2016在1000流明極亮模式底下的續航時間竟然比TK16多出40分鐘,合共1小時50分,所以電子野都係有新買新好。雖然防水等級IPX8,可在水下兩米使用,但沒有標明時間,個人建議不應長時間停留在水中。



2018年10月10日星期三

[露營裝備] [露營用品] 戶外照明裝備 - 頭燈2、營燈2 (行山, 探險, 防身, 露營燈)

不經不覺呢個網誌寫左一年有多了,其實好多產品工具都有所提升或更新,自己亦忍唔住手,有特價或開倉都會唔覺意帶左返屋企,所以集合一次過寫下近期新買的照明裝備。

頭燈
Black Diamond Storm (350 lumens)
都唔知算係邊年出,包裝盒無寫,唯有用最高流明區分,沿用上一代款式設計,最高亮度增至350流明,功能和使用跟上一代差唔多,依舊有PowerTap功能,加入了藍光,藍光頻閃,頻閃相對比較少用,而紅綠藍三種光各有用途,紅光用作夜間活動,避免光線太強影響其他人,綠光可用作看螢火蟲,可避免搔擾到其他動物,藍光用作打獵時睇血跡會較清楚。防塵防水依舊達到IP67,完全防塵及可以潛入水中1米最多30分鐘。




Black Diamond Spot Headlamp (300 Lumens)
第一次買呢款頭燈,最高流明和功能都比Storm 少,最高流明只有300流明,同樣有PowerTap,只有紅光及紅光頻閃,當然價錢亦平一點,不過亦有過人之處,就是防護等級達IPX8,即表示可以潛入水中超過1米最多30分鐘,就係呢個原因買一隻用黎落水玩之用。




Black Diamond Revolt Headlamp (130 Lumens) (Rechargeable)
這一款頭燈,係我一直誤會佢的頭燈,只怪自己拎起產品上手都無睇清楚,我一直以為係內置電池,所以唔太想買,怕一壞就成隻頭燈報銷,而且價錢都偏貴,直到係開倉我先買左呢款頭燈,原來發現佢其實係用充電池,只不過係充電池放係入面可以直接用USB 叉電,當時已經係舊款,不過唔緊要,都係買俾老婆使用,主要用途係等小朋友訓晒覺夜間行動打機睇手機之用,所以流明唔使咁高。

款式跟舊款Storm 一樣,其實我覺得呢隻款型仔D,沒有PowerTap,PowerTap位置變了USB 充電位,可以使用3枚3A電池,或用3枚原裝Rechargeable NIMH電池,使用3A電池最高130流明,如使用原裝Rechargeable NIMH電池就最高只有90流明,操作同Storm 相同,不過只有紅光及紅光頻閃,防護等級只有IPX4,大約只有被水滴潑濺的防護程度。




營燈
e-zone 1049期別注版 - 多功能 LED 夜燈 / 營地燈
露營燈連雜誌合共$49,十分抵玩,e-zone一向QC 唔錯,所以都買一盞玩下,減去雜誌價錢,都係$34,雖然知道係淘寶貨,但拎上手又覺得唔錯,提供5種亮度模式 - 高亮、中亮、低亮、快閃和慢閃,燈底座備有磁鐵吸附功能,亦有掛扣設計,採用磨砂燈罩,使 LED 光線柔和,唯獨光線顏色偏黃,亦沒有亮度流明,續航能力等數據,網頁介紹只提及生活防水,採用3枚3A電池,不過性價比算是十分高,粗用一流,體積大小亦適中,只怕露營使用會續航力不足,但放在家中作應急之用就認真不錯。




Black Diamond Moji XP Lantern (150 Lumens)
HKTV 特價活動時買入,之前一直猶豫想買入細小的營燈,掛在煮食桌上照明,不過入手這個營燈後,覺得太大,光度勉勉強強,最高亮度150流明,設計簡單,只有開關按鈕,使用3枚2A 電池,有掛扣設計,防護等級只有IPX4,最後送給老婆作夜間看手機打機之用。




FENIX CL20R
體積細小輕巧,卻有著最高光度300流明續航6小時的能力,內置1600mAh 電池,以Micro USB 充電,底部有磁石可吸附在鐵質金屬上,亦有掛扣設計,除白光外,仲有紅光及紅光頻閃效果,防水級別IPX6,基本上可防雨水,1.5米防摔,比較少營燈會有提及的防護能力。





luminAID Packlite Spectra
玩味較重的一款,體積比Packlite Max細一點,產品完全沒有提及最高光度,不過光度亦明顯比Packlite Max暗,網頁只說明以開關按鈕輪流轉換7種顏色的光、彩色漸變或白光,充滿電後使用白光可以維持3至5個小時,如日間在太陽光底下充電需要10小時,防護等級達IP67,完全防塵及可以潛入水中1米最多30分鐘,但其實產品多數會浮在水上:p,產品100%不含PVC,所有組件均無鉛且符合RoHs標準。






Black Diamond ReMoji Lantern (100 Lumens)
極度輕巧細少,內置鋰電池,電池容量不詳,最高亮度100流明可維持10小時,接駁USB充電需3小時充滿,雖然光度略嫌不足,但以這個體積和顧及續航能力,都算是不過不失,用於營內,或家中夜間使用亦十分適合,除必備的掛扣設計,還加上四粒小磁石,可吸附鐵質金屬上。除此之外,此燈亦可以作為氣氛燈,白光模式下按兩下會跳到彩光模式,再按兩下會跳到彩光漸變模式,此時按一下就會選擇(停在)當前的顏色,下次彩光模式亦會以此色出現。其實呢盞燈係老婆買俾自己用,貪佢夠的骰,所以大大隻的Moji XP 就俾返我。