FLEXTAIL 呢次推出呢款軀蚊燈, 外型討好設計出色, 放軀蚊片的空間十分緊湊到位, 按鈕十分實淨, 不容易碰撞後意外開著, 機頂已配有掛扣, 機底有磁石可吸附左在鐵製品上, 亦有1/4 吋鏍絲口, 方便接在腳架上, 最高亮度400 流明, 可使用9 小時, 其次是200 流明續航13小時, 100流明續航25小時及50流明續航50小時, 電量4800 mAh, 個人覺得十分勉強, 如要著燈著軀蚊功能, 開一整晚, 相信只可以用Camping Mode 軀蚊, 以最低亮度開啟營燈, 而且只有IPX5 的防水級別。不過始終是國內生產, 性價比奇高, 隨機還附送Type C 充電線及保存盒一個。電量實測後, 最高亮度只能續航6-7小時, 勉強捱到一個晚上, 有機會再試軀蚊加營燈一齊試。
韓國製造的 Claymore Ultra2 3.0 X，摸上手手感相當札實硬淨， 比M Size 型號厚身少少, 機身採用鋁合金外殼，加配尼龍，堅固耐用，體積不大不小，最高亮度足夠，有5 段光度調校， 4 個操作按鈕: 開關掣、色溫調節、光度調節、SOS 模式， 電量比M Size 型號多出一倍，配備電量顯示燈，用淨幾多電，幾時要叉電一目了然， 新品必備的USB-C 充電口，另外亦內建三腳架螺絲孔，可以鎖定於三腳架上，IP65 防塵防水級別，十分適合戶外使用，亦可應付毛毛細雨的環境。
如果論外型比例, M Size 型號係比較靚仔順眼, 但論性價比, 買X Size 型號係無可置疑。
| 重量: | 675g |
| 電池容量: | 23200mAh |
| 尺寸: | 125 x 115.6 x 55.8 mm |
| 光源: | 冷白光(6500K)、自然白光(4200K)及黃光(3000K) |
| 亮度: | 50-2200 流明 |
| 防塵防水度: | IP65 |
| 充電時間: | 8小時 |
| 連續使用時間: | 15小時 - 150小時 |
Olight Baton 3 Pro 其實是獨立一支長101mm的電筒, 口袋大水的小電筒, 看產品名稱, 很容易跟Olight Baton 3 Premium 混淆, 最高亮度1500 流明, 光束射程175米, 使用定制ORB-186C32 18650電池 (隨機附送), 亦附送磁力充電線一條, 另外還有L型金屬座及布袋一個, 電筒原裝包裝已裝上雙向夾, 攜帶方便, 最值得稱讚既係防水級別竟然達到IPX8, 可以係水深2 米停留30 分鐘, 可以應付係溪澗捉魚捉蝦之類的活動。
