[露營生活] 國慶逼爆灣仔南 (2017-09-30 至 2017-10-02)

臨近中秋，天氣稍為無咁熱，又遇啱國慶假期連放三日，係眾人開始露營的時機，舅父係一個月前已經約定，原本想中秋節去，但個個都要請一日假先連到假，阿媽提意早一個星期國慶連放三日，最後拍板，期間都有留意天氣狀況，最後一兩天都係維持有幾陣驟雨的預測，大家都有防水帳篷同天幕，小小雨水都唔係咩問題。

第一天早上

一早起左身，對一次要帶的東西，天氣預報第一天係多雲有雨，一早天氣確實如此，原本約左舅父九點左右係黃石碼頭等，但臨出發時十分大雨，要等雨細點才能出發，因而廷誤左，舅父先坐船去灣仔南霸位，我們等到雨細一點就出發，結果要帶多兩把縮骨遮。

落住雷雨的早上，的士都少一點，一CALL 的士新界綠的就出現，睇住架綠的等客又要等五分鐘CALL 左果部的士，呢次帶的東西的士車尾箱都放唔曬，呢次車程唔係好CHOK，因為前面經常有車擋住，車速都較慢，到左黃石碼頭已經無雨了，搵黎初一坐大飛爆去灣仔南。

上馬頭已經見到舅父佢地，就係馬頭去灣仔西的大路旁，天幕已經搭好，整緊爸爸的帳篷，呢次無海邊的靚位，去到都差唔多爆滿咁濟，舅父幫我地霸左佢地對出的草地，比起佢地隔離的位好，諗好對策，搭天幕都好順手，之後搭新營就要慢慢黎，黎之前睇過下片，最後比想像中容易，因為係放喺天幕底，空間都係啱啱好，不過日本製係唔同D，好多位都好細緻，最後放埋外帳，入營骨，撐起埋前廳，大功告成。整個搭天幕同帳篷的過程都好猛太陽，天氣好好，不過風勢很大，黎之前都知呢一兩日會有四五級風。

天幕同帳篷都搭建好，灘係充氣梳化休息的舅父同細女。

今次共有四個營，全新的Snow Peak Amenity Dome 寢室帳 L (SDE-003R)，第一次搭唔係搭得咁靚。

風十分大，呢邊正正係食風位，外帳都吹凹左入去。

搭營之際，阿媽已經整個張鋁枱，坐係度玩手機。


黎到灣仔南天色竟然咁好，出乎意料。


呢張係灘係充氣梳化度向天影。


大女同舅母係度油顏色。

將冰凍毛巾濕水後，綁在大女的頭上幫佢降溫。

愛跳舞的大女，影相的姿勢都怪過人。

太陽很猛。

阿媽例牌自拍。

表弟搵到路行去沙灘，襯住咁好天，個個都急不及待去游水，細女唔敢落水，同舅婆係度玩沙。


最後細女都肯落水玩，經過呢次佢應該唔會再咁怕水。


夜晚例牌燒野食，搬野搭營再游埋水，大家都又攰又肚餓。


日頭果陣細女無訓晏覺有點扭計，食左通粉同番薯就眼訓訓著左，係營入面訓有點焗和熱，好彩帶左風扇，再加上自然風吹到入營，再夜D 到大女訓著，細女要搬位被嘈醒，十分之扭計才再次入睡，但到左十一點左右起左身，到夜晚訓果陣好彩無乜點扭，風扇要長開住。

一路都無落雨，天氣都幾熱，燒完野食熱上加熱，大家都唔係食好多野，接近凌晨時份，大家都攰入營休息，我同英英執好晒D 野先訓覺，因為太熱都訓唔著，凌晨兩點左右，黎左一場大雨，個營要拉埋拉鍊仲焗，我就索性係出面訓充氣梳化，訓左陣都係入返營開風扇訓。


第二日早上

後補的相片，是大女用防水相機拍的。

大清早十分悠閒

表弟，這是小朋友影大人的角度～

見到大女隻腳

邊個影？

自拍

細妹仲未訓醒～

都係小朋友角度

嘉悦豬

影乜！

一二三影～

細女通常較早起床，一早起身食手指餅做早餐。

天氣好好，和嫲嫲合照一張。

捉到螳螂一隻。

呢個牌就睇到成個灣仔有咩地方可以行。

阿媽開始煮早餐。

簡單的玩具小朋友已經好開心。

去到郊外，手機依然具吸引力。

 

充氣梳化又係小朋友至愛。


第二日的下午

有半天都斷斷續續刮大風下大雨，天幕裝水，營門又開又關，暴風雨過後，總算可以安心下來，不過就無得去游水，又無四圍行。

硬係覺得個營唔平衡，原來一隻角未放好，卡住草地，過左一晚先知。

明明好眼訓都要睇手機


第三日早上

 尋晚好早就訓覺，今朝早六點幾就起身，食個朱古力卷做早餐。

仲未訓醒

食飽飽就跳下舞

舅父起身同兩個孫女影返張相

小弟都係剛剛起身，天氣很好，食個早餐後就換好衫去游水。游完水返黎同兩隻野沖涼，今日D 水依舊好弱，要去殘廁同佢地沖，我就做人肉衣架，老婆就幫佢地沖涼，搞左好耐。

之後就開始執野...

第三日下午

執野收營收天幕，搞左好耐，坐低食左兜粥，再執過...

大約下午四點左右坐大飛返回黃石碼頭，十分頸渴，同舅母去搵汽水機，好彩仲有菊花茶同檸檬茶。

天氣認真好~


黃石碼頭


舅父佢地車爸爸走先，我地等的士等左好耐~


最搞笑係原來國慶日有記者去左灣仔南，報導露營友逼爆灣仔南，我地仲上左鏡添~