[露營裝備] [露營用品] National Geographic 經典保溫杯 / 保溫瓶 (露營杯)

National Geographic 經典保溫杯 350ml

呢款保溫杯個款同大細都已經有多個牌子推出過, 甚至連Sanrio 都出黎做入會禮物, 摸上手手感都係幾好, 今次National Geographic 推出都幾靚, 簡簡單單, 而且價錢十分合理, 估計都係國內生產, 買去露營粗用都唔怕 :P

National Geographic 經典保溫瓶 600ml

呢款保溫瓶個大細同款都好眼熟, 至少Patagonia 都有出過, 呢個600ml可能型狀脹少少, 590ml流線一點, 價錢相差$20, 定價比保溫杯貴一些, 始終大隻D 同埋裝多D 飲料, 不過以National Geographic 呢個大名都應該有不少捧場客。

 

National Geographic 經典保溫瓶 590ml

呢款保溫瓶個大細同款都好眼熟, 至少Patagonia 都有出過, 呢個590ml流線一點, 600ml可能型狀脹少少, 價錢相差$20, 定價比保溫杯貴一些, 始終大隻D 同埋裝多D 飲料, 不過以National Geographic 呢個大名都應該有不少捧場客。 

圖片來源:
https://www.natgeostore.com.hk/

[露營裝備] [露營用品] 型格12oz STARBUCKS X Herschel Supply Co. 不鏽鋼咖啡杯 (露營杯)

型格12oz STARBUCKS X Herschel Supply Co. 不鏽鋼咖啡杯

最近行過STARBUCKS, 見到一批STARBUCKS crossover Herschel 的產品，其中環保袋同背囊都相當吸引，後尾發玩有隻杯仔幾啱露營用，連杯蓋囉上手都算輕身，就係12oz STARBUCKS X Herschel Supply Co. 不鏽鋼咖啡杯，可能個人十分鍾意暗花的紋理，所以覺得好靚，好想入手，唯一不足就係杯耳並不是環型，不能扣係露營背囊上，最後都係無買到，家中的杯實在太多，除非有特價喇... :P

[露營裝備] [露營用品] Starbucks 都出露營杯!?

相片都影左一段時間，個人來說唔算太吸引，但都差D 忍唔住手買左，雖然拎上手十分實淨，掛係背囊外都唔驚整爛，不過略嫌重左DD，價錢都係$1XX，中規中舉，如果習慣重裝出發的尚算是可入手之選。

[露營裝備] [露營用品] 各款露營杯介紹

Snow Peak Titanium Double Wall 450ml Mug

最受歡迎及最普遍的一款露營杯，用鈦金屬制造，極其輕身，除450ml容量外，另有200ml, 300ml, 600ml提供，有單層Single Wall和雙層Double Wall兩款，此款為雙層Double Wall版，即使注入熱的飲料都不至於燙手，價錢略為貴一點，但因其品牌十分受露營行山人仕愛戴，所以這類產品亦極受歡迎。

Patagonia 12oz Double Wall Camping Cup

此款露營杯一出我就買，雖然用不鏽鋼制造，使杯身略重，但用了啞黑色做杯身再配搭出patagonia logo，整個高層次品味出左黎，仲配有一個透明杯蓋，可使飲料保冷或保暖，價錢比起相同SIZE的鈦杯還要平，值得入手。

Patagonia 16oz Double Wall Camping Cup

雙層內膽設計以18:8醫學級不銹鋼製造，高身杯形省去杯耳，容量增加4oz，使杯身略重些，但仍可接受，用了白色做杯身再配搭出懷舊patagonia logo，配有一個透明杯蓋，保溫保冷絕無倒汗水。不含 BPA，耐用又安全。

The North Face Camping Cup

The North Face 露營杯是在The North Face 專間店買滿指定金額贈送，不鏽鋼杯身，杯身都幾厚，飲熱飲不燙手，但重量只係比鈦杯重一點，絕對是可接受範圍。

5.11 Camping Cup

同樣是在5.11 專門店買滿指定金額贈送，不鏽鋼杯身，手把是用鑼絲把金屬扣轉上，比較粗制濫造，但呢個設計又幾方便，掛上背囊一扣就是，同樣是杯身幾厚，飲熱飲不燙手。

LiFEVENTURE Stainless Steel Camping Mug

呢隻係行山舖頭入手，杯的SIZE 較細小，不鏽鋼制造，杯身幾厚，飲熱飲不燙手，價錢平宜，十分硬淨，適合小朋友使用。

e-zone 1001期別注版 - GUNDAM 戶外露營鋼杯

露營杯連1001期e-zone 合共$62，十分抵買，典型圓弧型摺疊設計手把，不鏽鋼質地，杯身SIZE 略細，只有300ml，杯面印有RX-78-2 GUNDAM 圖案，另有渣古款式，不過小弟沒有買，杯身厚度正常，飲熱飲不燙手。

DAISO 十二蚊店小型摺疊杯

雖然輕身有蓋，但容量太小，只得130ml，而且質料極軟，手持有一定困難，放食物又唔夠大，放飲料又拍倒瀉，粗制濫造的產品，浪費金錢~

SEA TO SUMMIT X MUG

超慳位摺疊杯，輕身，杯內有量度，大小適中，質料硬淨堅挺，可放入超過100度熱水，凑嬰孩時帶此杯出街，向食店囉熱水"座"奶，SIZE 剛好放到奶樽，摺合後又攜帶方便。價錢略貴，多數等大減價有七折七五折才買較為化算。