[露營生活] 隱世大草原@深涌 (2016-12-03 至 2016-12-04)

第一日早上
今次全家總動員去呢個好出名的露營勝地 - 深涌，其實我都係呢一年留意開露營地點先知道呢個地方，其實呢度都幾偏辟，要係馬料水搭船入去，或者係水浪窩 / 北潭路行入去，重裝出動的我地當然係要去搭船入去，由於早班船太早，我地都係選中午的一班船入去，因為唔知會有幾多人入去，所以預早左一個鐘到馬料水馬頭，到步時前面都太約有十多人，不過架大船就可以容納好多人，好似過百人，呢次三個大人兩個小朋友，當然都係Call Van直到馬料水。

等船的時候太大風，開了銀面防潮墊出黎擋風，係等待期間仲識左後面一對母女，佢地都係去深涌。十二點半開船，大約一點到就到深涌碼頭。

落船後行十五分鐘，就到呢個隱世大草原，大女急不及待周圍跑。

因為舅父識人識呢度的原居民，所以可以係祖屋附近的草地札營，呢度自成一角，一定唔會嘈，去廁所方便，不過要行一段路先可以出去大草地玩。

去到札好營，俾兩位小朋友玩，阿媽就煮野食醫下大家個肚，因為整整下都三點幾。

下午三點幾先開餐

呢次兩個營對望的擺位幾好，可以係中間執拾同玩耍。

食飽飽開始跳皮

細妹黎到十分開心，今日係佢生日

雖然無藍天白雲，不過環境真係好靚好舒服。

兩隻野食飽就周圍玩，舅父佢地今次要黃昏六七點先到，黎到要摸黑札營。

舅父札好營，接近八點先開始燒野食。

第二日的早上
又係例牌周圍行下影下相

荒廢左的祖屋，有部份被稙物遮閉。

今個星期六日唔算多人，出面仲有好多空位。

舅父舅母去碼頭釣魚，我地安頓好就同阿媽帶大女出黎凑熱鬧，跳皮的大女被我用繩綁住係繫船柱，睇舅公舅婆釣魚。

呢個碼頭都幾多人釣魚，仲係專登搭船入黎釣魚。

係深涌碼頭遠眺可以望到馬鞍山。

深涌有士多提供熟食，都幾多人幫襯，有一兩餐係度食就可以帶少好多野。

兩日一夜時間過得好快，走嘅時候有點唔捨得~